||Devi Mahatmyam||
|| Devi Sapta Sati||
|| Chapter 13||
||om tat sat||
Select text in Devanagari Kannada Gujarati English
uttara caritamu
mahāsarasvatī dhyānam
ghaṇṭāśūlahalāni śaṁkhamusalē cakraṁ dhanuḥ sāyakaṁ
hastābjairdadhatīṁ ghanāntavilasat śītāṁśu tulyaprabhām|
gaurīdēhasamudbhavāṁ trijagatām ādhārabhūtāṁ mahā
pūrvāmatra sarasvatīmanubhajē śumbhādi daityārdinīm||
||ōm tat sat||
=============
trayōdaśō'dhyāyaḥ ||
r̥ṣiruvāca||
ētattē kathitaṁ bhūpa dēvī mahātmyamuttamam||1||
ēvamprabhāvā sā dēvī yayēdaṁ dhāryatē jagat|
vidyā tathaiva kriyatē bhagavad viṣṇumāyayā||2||
tayā tvamēṣa vaiśyaśca tathaivānyē vivēkinaḥ|
mōhyantē mōhitāścaiva mōhamēṣyanti cāparē||3||
tāmupaihi mahārāja śaraṇaṁ paramēśvarīm|
ārādhitā saiva nr̥ṇāṁ bhōgasvargāpavargadā||4||
mārkaṇḍēya uvāca||
iti tasya vacaḥ śrutvā surathaḥ sa narādhipaḥ|
praṇipatya mahābhāgaṁ taṁ r̥ṣiṁ saṁśitavratam||5||
nirviṇṇō'timamatvēna rājyāpaharēṇana ca|
jagāma sadyaḥ tapasē sa ca vaiśyō mahāmunē||6||
sandarśanārthamambāyā nadīpulinasaṁsthitaḥ|
sa ca vaiśyaḥ tapastēpē dēvīsūktaṁ paraṁ japan||7||
tau tasmin pulinē dēvyāḥ kr̥tvā mūrtiṁ mahīmayīm|
arhaṇāṁ cakratuḥ tasyāḥ puṣpadhūpāgni tarpaṇaiḥ||8||
nirāhārau yatāhārau tanmanaskau samāhitau|
dadatustau baliṁ caiva nijagātrāsr̥gukṣitam||9||
ēvaṁ samārādhayatō stribhirvarṣairyatātmanōḥ|
parituṣṭā jagaddhātrī pratyakṣaṁ prāha caṇḍikā||10||
dēvyuvāca||
yatprārthyatē tvayā bhūpa tvayā ca kulanandana|
mattaḥ tatprāpyatāṁ sarvaṁ parituṣṭā dadāmi tat||11||
mārkaṇḍēya uvāca||
tatōvavrē nr̥pō rājyamavibhraṁśyanyajanmani|
atra caiva nijaṁ rājyaṁ hataśatru balaṁ balāt||12||
sō'pivaiśyaḥ tatō jñānaṁ vavrē nirviṇṇamānasaḥ|
mamētyahamiti prājñaḥ saṅgavicyuti kārakam||13||
dēvyuvāca||
svalpairahōbhirnr̥patē svarājyaṁ prāpsyatē bhavān|
hatvā ripūnaskhalitaṁ tava tatra bhaviṣyati||14||
mr̥taśca bhūyaḥ samprāpya janma dēvādvivasvataḥ|
sāvarṇikō nāma manuḥ bhavānbhuvi bhaviṣyati||15||
vaiśyavarya tvayā yaśca varō'smattō'bhivāñcitaḥ |
taṁ prayacchāmi saṁsiddhyai tava jñānaṁ bhaviṣyati||16||
mārkaṇḍēya uvāca||
iti datvā tayōrdēvī yathā abhilaṣitaṁ varaṁ|
babhūvāntarhitā sadyō bhaktyā tābhyāṁ abhiṣṭutā||17||
ēvaṁ dēvyā varaṁ labdhvā surathaḥ kṣatriyarṣabhaḥ|
sūryājjanma samāsādya sāvarṇirbhavitā manuḥ||18||
sāvarṇirbhavitā manuḥ klīṁ ōm||19||
iti mārkaṇḍēya purāṇē sāvarṇikē manvantarē
dēvī mahātmyē surathavaiśyayōrvara pradānaṁ nāma
trayōdaśō'dhyāyaḥ||
śrī saptaśatīdēvī mahātmyaṁ samāptam
|| ōm tat sat||
||ōm||
=====================================
updated 15 04 2021 0700